Бүгін «Қайрат» Чемпиондар лигасында «Левскиге» қарсы матч өткізеді

Алматылық «Қайрат» 4 тамыз күні Чемпиондар лигасы үшінші іріктеу кезеңінің алғашқы матчында Болгарияның «Левски» клубымен кездеседі.

Кездесу Софияда өтеді. Матч Қазақстан уақытымен 22:30-да басталады.

Еске салайық, «Қайрат» турнирдің алғашқы іріктеу кезеңінде Черногорияның «Сутьескасын» екі матч қорытындысы бойынша 4:1 есебімен жеңді. Ал екінші кезеңде Кипрдің «Омониясын» пенальти сериясында 6:5 есебімен ұтып, келесі айналымға өтті.

Өз кезегінде «Левски» алғашқы іріктеу кезеңінде Боснияның «Борац» клубын, ал екінші кезеңде Румынияның «Университатя» командасын жарыс жолынан шығарды.

Біздің серіктес: Sport12kz