ФИФА басшысы Ресейге қатысты тағы бір жанжалға ілікті

ФИФА президенті Джанни Инфантино Ресейдің халықаралық футболға оралуына қатысты мәселеге байланысты тағы бір даудың ортасына түсті.

Франциялық басылымның мәліметінше, Украина футбол қауымдастығы УЕФА-ның Инфантиноға қатысты қатаң ұстанымын қолдап отыр. Ұйым ФИФА басшылығын ашықтықтың жоқтығы мен маңызды шешімдерді кеңесусіз қабылдағаны үшін сынға алды.

Сонымен қатар Украина тарапы Ресейдің халықаралық жарыстарға кезең-кезеңімен қайта оралуына да қарсылық білдіруде. Бұған дейін ФИФА Ресейдің 15 жасқа дейінгі құрамасына қазан айында Әзербайжанда өтетін әлем чемпионатына қатысуға рұқсат берген болатын. Бұл 2022 жылдан бері Ресей құрамаларының ФИФА аясындағы турнирге алғашқы қатысуы болмақ.

Бұған қоса, Инфантино құпия коммерциялық жобаға байланысты да сынға ұшырады. УЕФА мен Еуропаның ұлттық федерациялары ФИФА-ны әлем чемпионатының коммерциялық құқықтарына қатысты шешімдерді ашық талқыламай қабылдады деп айыптап, жобадан бас тартуды талап етті. Соның нәтижесінде ФИФА бастамасын тоқтатып, көпшілік алдында түсініктеме беруге мәжбүр болды.

Біздің серіктес: Sport12kz