Дастан Сәтпаевқа тағы бір ағылшындық клуб көз тікті

Дастан Сәтпаевқа тағы бір ағылшындық клуб қызығушылық танытып отыр. «Халл Сити» Дастан Сәтпаевты бір маусымға жалға алуды қарастырып жатыр. Бұл туралы The Sportzine жазды.

17 жастағы футболшы қазір «Челсидің» маусым алдындағы дайындығына қатысып жүр. Лондондық клуб Дастан Сәтпаевты бұған дейін «Қайраттан» сатып алған. Алайда ол 18 жасқа толғанға дейін алматылық командада ойнады.

Дастан Сәтпаев 12 тамызда кәмелет жасына толады. Бұған дейін оның Францияның «Страсбур» клубына да жалға баруы мүмкін екені хабарланған.

Айта кетейік, қазақстандық шабуылшы «Челсидің» маусым алдындағы ойындарында «Вестерн Сидней Уондерерс» қақпасына гол соқты. Сонымен қатар «Тоттенхэм» мен «Ювентусқа» қарсы ойындарын да алаңға шықты.

Біздің серіктес: Sport12kz