Дастан Сәтпаев «Челсидің» «Миланға» қарсы негізгі құрамына енбеді

Қазақстан құрамасының жас шабуылшысы Дастан Сәтпаев «Челсидің» «Миланға» қарсы жолдастық матчында негізгі құрамға енбеді.

Лондондық клуб бүгін, 8 тамызда, маусым алдындағы дайындық аясында италиялық командаға қарсы ойнайды. Ойын Индонезия астанасы Джакартадағы GBK Madya Stadium-да өтеді. Матч Астана уақытымен сағат 17:00-де басталады.

Сәтпаев матчты қосалқы құрамда бастайды.

«Челсидің» негізгі құрамында Санчес, Палестра, Ачимпонг, Фофана, Хато, Кайседо, Лавия, Палмер, Жоау Педро, Нету және Уэлбек алаңға шығады.

17 жастағы қазақстандық футболшы лондондықтардың маусым алдындағы турнирінде бұған дейін үш ойынға қатысты. Дастан Сәтпаев «Вестерн Сидней Уондерерс» командасына қарсы кездесуде алғашқы минуттан алаңға шығып, гол соқты. «Челси» сол ойында 6:4 есебімен жеңіске жетті.

Одан кейін ол «Тоттенхэммен» (1:2) және «Ювентуспен» (0:1) өткен матчтарда ойынға қосалқы құрамнан қосылды.

Біздің серіктес: Sport12kz