Ғұсман Қырғызбаев: Азия ойындарында кеткен есені қайтару керек

Алматыда дзюдодан алғаш рет халықаралық оқу-жаттығу жиыны өтіп жатыр.

Іс-шара барысында Олимпиада жүлдегері Ғұсман Қырғызбаев дайындық барысы туралы айтып берді.

Спортшының сөзінше, қазір құрама физикалық дайындықтан кейін белдесу шеберлігін жетілдіруге басымдық беріп отыр. Оның негізгі қарсыластары да Алматыдағы оқу-жаттығу жиынына қатысуда.

«Азия ойындарына дайындықты бастап кеттік. Осыдан он күн бұрын физикалық тұрғыдан дайындықтан өтсек, қазір күресу жағынан шеберлігімізді шыңдап жатырмыз. Менің Азия ойындарындағы басты қарсыластарымның бәрі осында жүр. Бір-біріміздің күшімізді саралап, аңдысып жүрміз.

Хифуми Абеге келсек, ұтып қоюға да мүмкіндік болды. Қытайдағы финалдық кездесу мені шабыттандырды. Ары қарай шеберлігімізді шыңдап, аңдысып, видеоанализ жасаймыз. Үлкен додаларда, елімізде өтетін әлем чемпионатында кеткен еселерді қайтару қажет», – деді Қырғызбаев.

Біздің серіктес: Sport12kz