Дастан Сәтпаев алаңға шыққан жоқ: «Челси» «Миланды» 3:0 есебімен жеңді

Лондонның «Челси» клубы маусым алдындағы дайындық аясында «Миланмен» жолдастық матч өткізіп, ірі есеппен жеңіске жетті.

Матс Индонезия астанасы Джакартадағы GBK Madya Stadium стадионында өтті.

Бірінші таймның соңына қарай «Челси» есеп ашты. 37-минутта бұрыштамадан көтерілген допқа Жоао Педро бірінші жетіп, баспен соққы жасап, командасын алға шығарды.

Екінші тайм басталғаннан кейін көп ұзамай лондондықтар есеп айырмасын ұлғайтты. 46-минутта Педру Нету қапталдан асырған допты Жоао Педро бірден қақпаға бағыттап, дубль авторы атанды.

Ал 51-минутта Мойзес Кайседо мергендік танытып есепті 3:0-ге жеткізді.

Осыдан кейін қос команда да нәтижені өзгерте алмады. «Челси» «Миланды» 3:0 есебімен жеңді.

Айта кетейік, Қазақстан құрамасының шабуылшысы Дастан Сәтпаев бұл ойында қосалқы құрамда болды. Алайда 17 жастағы футболшы матч барысында алаңға шыққан жоқ.

Біздің серіктес: Sport12kz