«Ордабасы» «Жетісуды» ойсырата жеңді

«Ордабасы» Қазақстан Премьер-лигасының кезекті турында «Жетісуды» сырт алаңда ірі есеппен жеңді.

Талдықорғандағы «Жетісу» орталық стадионында өткен матч 4:0 есебімен аяқталды.

Шымкенттік команда 6-минутта есеп ашып, үзіліске дейін басымдығын сақтап қалды. Екінші тайм басталған бетте қонақтар тағы бір гол соғып, есеп айырмасын ұлғайтты.

«Ордабасы» 77-минутта үшінші голын соқса, араға үш минут салып төртінші рет қарсылас қақпасынан саңылау тапты.

«Жетісу» жауап голын соға алмады. Нәтижесінде «Ордабасы» 4:0 есебімен жеңіп, маңызды үш ұпайға қол жеткізді.

Бұл жеңістен кейін «Ордабасы» 49 ұпаймен турнир кестесіндегі көшбасшылығын нығайтты. Екінші орында тұрған «Қайраттың» еншісінде 45 ұпай бар.

Ал «Жетісу» 19 ұпаймен 14-орында қалды.

Біздің серіктес: Sport12kz