Павел Евтеев «Ордабасының» «Жетісуға» қарсы ірі жеңісіне баға берді

Қазақстан құрамасының бұрынғы футболшысы Павел Евтеев Қазақстан Премьер-лигасының 21-туры аясындағы «Жетісу» – «Ордабасы» матчының нәтижесіне пікір білдірді.

Кездесу шымкенттік клубтың 4:0 есебіндегі сенімді жеңісімен аяқталды. Евтеевтің айтуынша, «Ордабасы» маусым бойы қарқынын бәсеңдетпей, чемпиондыққа қарай нық қадам басып келеді.

«„Ордабасы“ маусымды қарқынын бәсеңдетпей өткізіп, чемпиондыққа қарай алға жылжып келеді. Менің ойымша, олардың чемпион атануға мүмкіндігі толық бар. Ал „Жетісу“ соңғы уақытта үлкен қиындықтарға тап болып жүр. Командада бәрі ойдағыдай емес екені байқалады. Мұны нәтижелерінен де көруге болады. Кешегі ойында бәрі заңды түрде болды», – деді маман.

21 турдан кейін «Ордабасы» 49 ұпаймен турнир кестесінде бірінші орында келеді. Ал «Жетісу» 19 ұпаймен 14-орында орналасқан.

Біздің серіктес: Sport12kz