«Қайрат» «Левскимен» Түркістанда шешуші матч өткізеді

Сейсенбі, 11 тамызда, Алматының «Қайраты» Чемпиондар лигасының үшінші іріктеу кезеңі аясында Болгарияның «Левски» клубымен қарымта матч өткізеді.

Кездесу Түркістанда өтіп, Қазақстан уақытымен 20:00-де басталады.

Алғашқы матч Софияда өтіп, «Қайрат» 0:1 есебімен жеңілген болатын. Кездесудегі жалғыз голды «Левски» футболшысы Сержиньо 90+2-минутта соқты.

Қарымта ойынның Алматыдан Түркістанға ауыстырылуына Орталық стадионда америкалық рэпер Канье Уэстің концерті өткізілуі себеп болды.

Екі матчтың қорытындысы бойынша жеңімпаз Чемпиондар лигасының плей-офф кезеңінде грек АЕК командасымен кездеседі. Ал жеңілген команда Еуропа лигасының плей-офф кезеңіне түсіп, «Андерлехт» — ПАОК жұбының жеңімпазымен ойнайды.

Біздің серіктес: Sport12kz