Жас қазақстандық футболшы «Спартактың» назарына ілікті

Қазақстандық жас шабуылшы Алихан Әли мансабын Ресейде жалғастыруы мүмкін. «Академия Оңтүстік» футболшысына бірқатар ресейлік клуб қызығушылық танытып отыр.

18 жастағы шабуылшыға Мәскеудің «Спартак» клубының жастар командасына қосылу туралы ұсыныс түскен. Футболшының қазіргі келісімшарты осы жылдың соңында аяқталады.

Алихан Әли биыл Бірінші лигада 15 матч өткізіп, 9 гол соққан. Осы көрсеткішпен ол турнирдің сұрмергендер тізімінде екінші орында тұр.

Сонымен қатар «Академия Оңтүстік» сапындағы 77-нөмірлі футболшы әуедегі жекпе-жектерде жеңіске жету көрсеткіші бойынша чемпионаттағы үздік үш ойыншының қатарына енген.

Жас шабуылшының нәтижелі ойыны оның Ресей клубтарының назарына ілігуіне себеп болып отыр.

Біздің серіктес: Sport12kz