Француз клубы Сәтпаев үшін күресте көш бастады

Қазақстан құрамасының шабуылшысы әрі лондондық «Челси» футболшысы Дастан Сәтпаевтың болашағына қатысты жаңа ақпарат пайда болды.

Scout in Eurasia мәліметінше, бұған дейін айтылған «Халл Сити» клубының қызығушылығы туралы ақпарат шындыққа сәйкес келмейді. Қазіргі таңда француздық «Страсбур» 17 жастағы қазақстандық футболшыны жалға алу үшін келіссөздерде көш бастап тұр.

«Өкінішке қарай, „Халл Ситидің“ Дастан Сәтпаевқа қызығушылығы туралы ақпарат шындыққа сәйкес келмейді. Қазіргі уақытта француздық „Страсбур“ оны жалға алу үшін күресте көш бастап тұр», – деп жазды дереккөз.

Сәтпаев өткен аптада «Челсидің» негізгі құрамымен Австралия мен Азиядағы маусым алдындағы турын аяқтады. Қазақстандық шабуылшы бірнеше жолдастық кездесуге қатысып, лондондық клуб сапындағы алғашқы голын соқты.

Дастан Сәтпаевтың «Челсимен» келісімшарты 12 тамызда, футболшы 18 жасқа толған күні ресми түрде күшіне енеді.

Бұған дейін қазақстандық шабуылшыны Англия Премьер-лигасына қайта оралған «Халл Сити» жалға алуы мүмкін деген ақпарат тараған болатын.

Біздің серіктес: Sport12kz