«Челси» 16 жастағы MLS талантын қатарға қоспақ

Лондондық «Челси» MLS клубы «Лос-Анджелес Гэлакси» сапындағы 16 жастағы жартылай қорғаушы Висенте Гарсияны сатып алуға жақын.

The Athletic мәліметінше, тараптар трансфердің негізгі шарттарын келісіп қойған. Лондондық клуб америкалық-мексикалық футболшы үшін шамамен 3 миллион еуро төлейді. Бұл сомаға нәтижелілігіне байланысты қосымша бонустар кірмейді.

Гарсия «Челсиге» 2028 жылдың жазында, 18 жасқа толғаннан кейін қосылады.

Жас футболшы 2025 жылдың қаңтарында 14 жас 198 күнінде «Лос-Анджелес Гэлаксимен» алғашқы кәсіби келісімшартына қол қойған. Осылайша ол MLS тарихында ересектер командасымен келісімшартқа отырған ең жас бесінші ойыншы атанды.

Гарсия АҚШ пен Мексика азаматтығына ие және екі елдің де жастар құрамаларына шақырылған. 2026 жылдың тамызында ол алғаш рет «Лос-Анджелес Гэлакси» негізгі құрамының матчқа арналған өтініміне енді.

Қазіргі маусымда жартылай қорғаушы «Лос-Анджелес Гэлакси» фарм-клубы «Вентура Каунти» сапында өнер көрсетіп жүр. Ол 16 матчта 3 гол соғып, 4 нәтижелі пас берген.

Біздің серіктес: Sport12kz