ҚФФ Астанадағы футбол алаңында болған оқиғаға қатысты мәлімдеме жасады

Қазақстан футбол федерациясы 10 тамыз күні Астанадағы футбол алаңында болған, салдарынан баланың зардап шеккен оқиғасына қатысты мәлімдеме жасады.

Алдын ала мәлімет бойынша, жаттығу кезінде футбол қақпасы баланың үстіне құлаған. Зардап шеккен бала медициналық мекемеге жеткізіліп, қазіргі уақытта қажетті медициналық көмек алып жатыр.

ҚФФ балаға және оның отбасына қолдау білдірді.

Оқиға болған футбол алаңын ҚФФ жеке футбол мектебіне жаттығу жиындарын өткізу үшін жалға берген.

Қазіргі уақытта Федерация оқиғаның барлық мән-жайын анықтап, нысан мен құрал-жабдықтардың техникалық жағдайына ішкі тексеру жүргізіп жатыр. Сонымен қатар құзырлы органдарға қажетті ақпаратты ұсынуға және жан-жақты көмек көрсетуге дайын екенін мәлімдеді.

Біздің серіктес: Sport12kz