Дастан Сәтпаев «Қайратқа» қайта орала ма?

«Челси» және Қазақстан құрамасының шабуылшысы Дастан Сәтпаевтың Алматының «Қайратына» жалға қайта оралуы туралы ақпаратқа футболшының отбасы пікір білдірді.

Сәтпаев «Қайратқа» қайта оралу нұсқасын қарастырып отырған жоқ. Бұған дейін БАҚ-та қазақстандық шабуылшының ойын тәжірибесін жинақтау үшін Қазақстанға жалға келуі мүмкін екені жазылған болатын.

Алайда футболшының жақын ортасы бұл ақпаратты жоққа шығарды.

«Мұның бәрі — бос сөз», — деп қысқа жауап берген Сәтпаевтың жақындары.

Сонымен қатар 18 жасқа толған футболшы «Челсиден» уақытша кетіп, тұрақты ойын тәжірибесін іздеуі мүмкін. Оның болашағы алдағы күндері анықталады.

Еске салайық, Дастан Сәтпаев шілде айында «Челсидің» негізгі құрамына қосылды. Ол лондондық клуб сапында төрт жолдастық матч өткізіп, бір гол соқты.

Біздің серіктес: Sport12kz