Максим Самородов «Спартакқа» ауысуы мүмкін

Қазақстан құрамасының шабуылшысы Максим Самородов Мәскеудің «Спартагына» ауысуы мүмкін.

«Ахматтың» спорттық директоры Руслан Газзаев клубтың «Спартакпен» трансфер бойынша келіссөздерді қайта бастауға дайын екенін айтты.

— Қазір «Спартакпен» келіссөз жүргізіп жатқан жоқпыз. Бұған дейін болған. Трансфер әртүрлі себептерге байланысты жүзеге аспады. Бірақ осы трансферлік терезеде немесе қыста келісімге келуіміз мүмкін. Егер «Спартак» келіссөздерді жалғастырғысы келсе, клубтар ортақ шешім табады деп үміттенемін, — деді Газзаев.

Самородов 2024 жылдан бері «Ахмат» сапында өнер көрсетіп келеді. Өткен маусымда ол барлық турнирде 34 матч өткізіп, 5 гол соғып, 10 нәтижелі пас берген.

Қазақстан құрамасының сапында 33 ойын өткізген футболшы 5 гол және 3 нәтижелі пас авторы атанды.

Самородовтың «Ахматпен» келісімшарты 2028 жылдың жазына дейін жарамды.

Біздің серіктес: Sport12kz