«Қайрат» Чемпиондар лигасынан қанша табыс тапты?

Алматылық «Қайрат» Чемпиондар лигасының үшінші іріктеу кезеңінде «Левскиден» 0:2 есебімен жеңіліп, турнирден шығып қалды. Бірақ команда еурокубоктағы маусымын жалғастырады.

«Қайрат» енді Еуропа лигасының плей-офф кезеңінде ойнайды. Қарсыласы «Андерлехт» пен ПАОК арасындағы жұптың жеңімпазы болады.

Клуб Чемпиондар лигасының үш іріктеу кезеңіне қатысқаны үшін 525 мың еуро алды.

Ал Еуропа лигасының плей-офф кезеңінде жеңілген жағдайда, «Қайрат» Конференциялар лигасының жалпы кезеңіне өтеді. Бұл клубқа тағы 3,17 млн еуро табыс әкеледі.

Сондықтан «Қайраттың» осы маусымдағы еурокубоктан алатын ең төменгі кепілді табысы – 3,695 млн еуро.

Ал егер команда Еуропа лигасының плей-оффында жеңіп, негізгі кезеңге өтсе, 4,31 млн еуро көлемінде төлем алады.

Біздің серіктес: Sport12kz