ҚФФ ҚПЛ клубтары мен ойыншыларына жаңа жазалар тағайындады

Қазақстан футбол федерациясының (ҚФФ) Бақылау, тәртіптік және әдеп комитеті ҚПЛ-дің 2026 жылғы матчтарында тіркелген тәртіп бұзушылықтарды қарады.

«Атырау» — «Ақтөбе» матчында алаң иелеріне кездесудің екі минутқа кеш басталуына байланысты ескерту жасалды. Ал «Ақтөбе» Мираc Уманиязовты рұқсатсыз ойынға шығару жағдайына байланысты 100 АЕК көлемінде айыппұл арқалады.

«Елімай» — «Ертіс» кездесуінде алаң иелері матчтың 1 минут 30 секундқа кеш басталғаны үшін ескерту алды.

«Каспий» — «Ұлытау» ойынында «Ұлытау» футболшысының формасында титулдық демеушінің шевроны болмағаны үшін 60 АЕК көлемінде айыппұл салынды.

Ал «Астана» — «Оқжетпес» матчынан кейін қатаң жаза қолданылды. «Оқжетпестің» жаттықтырушысының көмекшісі Денис Мамонов матчтың ресми тұлғасына қарай бөтелкені әдейі тепкені үшін төрт ойынға дисквалификацияланды. Сонымен қатар клубқа төрт футболшының ескерту алып, жаттықтырушы көмекшісінің алаңнан қуылуына байланысты 100 АЕК айыппұл салынды.

«Жетісу» — «Ордабасы» матчынан кейін «Жетісу» клубы да екі айыппұл алды. VAR бөлмесі мен трансляция бөлмесіндегі кондиционер жүйесінің талапқа сай қамтамасыз етілмеуіне байланысты 60 АЕК, ал бес футболшы ескерту алғаны үшін тағы 100 АЕК айыппұл салынды.

Барлық айыппұлдар 2026 жылғы 12 қыркүйекке дейін төленуі тиіс.

Біздің серіктес: Sport12kz