КФФ «Алтай» — «Қызылжар» матчының нәтижесін жойды

Қазақстан футбол федерациясы ҚПЛ-дің 21-туры аясындағы «Алтай» — «Қызылжар» матчының нәтижесін жойып, петропавлдық клубқа техникалық жеңіліс тағайындады.

Бұған «Қызылжар» құрамындағы Александр Нойоктың заңсыз қатысуы себеп болды. КФФ шешіміне сәйкес, командаға 0:3 есебімен техникалық жеңіліс жазылды.

Еске салайық, 8 тамызда өткен кездесу 2:2 есебімен аяқталған еді. «Алтай» сапынан Ибрагим Дадаев пен Никола Ямбор, ал «Қызылжардан» Йоннес Бьярталид пен Этьен Бугре гол соққан.

Александр Нойок матчта 87 минут ойнаған. Ол «Қызылжарға» «Атыраудан» ауысқан болатын.

Біздің серіктес: Sport12kz