Әйелдер футболынан Қазақстан чемпионатында 19 команда бақ сынайды

Қазақстан әйелдер футболының жаңа маусымы тартысты өтпек. Себебі биыл ел чемпионатына 19 команда қатысады. Олар екі конференцияға бөлінген.

А конференциясында тоғыз клуб болса, В конференциясында он команда өнер көрсетеді. Бірінші кезеңде клубтар өз конференциялары аясында екі айналым бойынша кездеседі. Маусым қорытындысында екі конференцияның үздік екі командасы плей-офф кезеңіне шығып, жартылай финал мен финалда чемпиондық атақты сарапқа салады.

Бүгін, 17 тамызда чемпионаттың кезекті ойындары өтеді.

В конференциясы:

16:00 – «Алтай» (Өскемен) – «Тобыл» (Қостанай)

18:00 – «Қызылжар» (Петропавл) – «Оқжетпес» (Көкшетау)

19:00 – «Жеңіс» (Астана) – «Ақтөбе»

А конференциясы:

16:00 – «Атырау» – «Жетісу» (Талдықорған)

17:00 – «Ордабасы» (Шымкент) – «Қайрат» (Алматы)

19:00 – «Қайсар» (Қызылорда) – «Каспий» (Ақтау)

Матчтар 18 тамызда да жалғасады. Бұл күні В конференциясында «Елімай» – «Астана» және «Шахтер» – «Ертіс» ойындары өтсе, А конференциясында «Томирис-Тұран» мен «Ұлытау» кездеседі.

Жаңа маусымда чемпиондыққа негізгі үміткерлер қатарында былтырғы чемпион «Ақтөбе», сондай-ақ БИІК пен «Томирис-Тұран» аталады. Өткен жылы «Ақтөбе» әйелдер футболы тарихында алғаш рет ел чемпионы атанған.

Ал бұған дейін БИІК клубы әйелдер чемпионатында қатарынан 13-рет жеңіске жеткен еді.

Біздің серіктес: Sport12kz