Бруну Фернандеш «Галатасарайдың» қомақты ұсынысынан бас тартты

«Манчестер Юнайтед» капитаны Бруну Фернандеш «Галатасарай» ұсынған қомақты келісімшартқа қарамастан, ағылшын клубында қалуды көздеп отыр.

Түркиялық клуб 31 жастағы португалиялық футболшыға жылына шамамен 20 миллион еуро жалақы төленетін келісімшарт ұсынған. Алайда Фернандеш мансабын «Олд Траффордта» жалғастырғысы келеді.

«Манчестер Юнайтед» капитанын командадағы негізгі ойыншылардың бірі санайды және оның трансферіне қатысты кез келген ұсынысты қабылдамауға дайын.

Қазір тараптар жаңа келісімшарт бойынша алдын ала келіссөздер жүргізіп жатыр. Фернандештің қазіргі келісімі 2027 жылдың жазына дейін жарамды, сондай-ақ оны тағы бір маусымға ұзарту мүмкіндігі бар.

Португалиялық футболшы «Манчестер Юнайтед» сапында 2020 жылдың қаңтарынан бері өнер көрсетіп келеді. Осы уақыт ішінде ол клуб үшін 327 матч өткізіп, 107 гол соғып, 108 нәтижелі пас берген.

Біздің серіктес: Sport12kz