Қазақстандық екі футболшы Ресей кубогінде кездесуі мүмкін

19 тамыз, сәрсенбі күні Ресей кубогінің топтық кезеңіндегі екінші турда Самараның «Крылья Советов» клубы Санкт-Петербургтің «Зенитін» қабылдайды.

«Крылья Советов» — «Зенит» матчының тікелей трансляциясы Қазақстан уақытымен 18:15-те басталады.

«Зенит» сапында Қазақстан құрамасының қорғаушысы Нұралы Әліп өнер көрсетеді. Ал «Крылья Советов» құрамын жақында қазақстандық вингер Ислам Чесноков толықтырған.

Командалардың чемпионаттағы соңғы нәтижелеріне келсек, «Крылья Советов» өз алаңында махачкалалық «Динамодан» 1:4 есебімен жеңілсе, «Зенит» Мәскеудің «Динамосын» 3:0 есебімен ойсырата ұтты.

Бұл командалар соңғы рет сәуір айында Ресей Премьер-лигасында кездесіп, Санкт-Петербург клубы өз алаңында 2:1 есебімен жеңіске жеткен.

Біздің серіктес: Sport12kz