“Ертіс” командасының жаңа бас бапкері белгілі болды

Павлодарлық «Ертіс» жаңа бас бапкерін таңдады. Команда тізгінін Ерлан Шойтымов ұстайды. Бұл туралы AmanVIBE Telegram арнасы хабарлады.

Ерлан Шойтымов бұған дейін Ақтаудың «Каспий» клубында еңбек еткен. Ол Марат Еслямовтан кейін «Ертістің» бас бапкері атануы мүмкін.

Павлодарлық команда биылғы маусымда тұрақты нәтиже көрсете алмай, турнир кестесінің төменгі бөлігінде қалды. Енді Ерлан Шойтымовтың негізгі міндеті — команданың нәтижесін жақсартып, турнирлік кестедегі жағдайын жақсарту.

Маман бұған дейін «Жетісай» және «Каспий» клубтарын жаттықтырған. «Ертісте» ол осы маусымдағы төртінші бас бапкер болып отыр.

Біздің серіктес: Sport12kz