«Ливерпуль» ПСЖ жұлдызын сатып алмақ

«Ливерпуль» француз вингері Брэдли Барколяны «Пари Сен-Жерменнен» сатып алу бойынша келіссөздерді жақын арада аяқтауға ниетті.

Мерсисайдтық клуб 23 жастағы футболшыны шабуыл шебін күшейтетін негізгі ойыншылардың бірі әрі Мохамед Салахтың ұзақ мерзімді мұрагері ретінде қарастырып отыр. ПСЖ Барколя үшін 115 миллион фунттан астам қаржы талап етуі мүмкін.

Келіссөздер жалғасып жатыр және тараптардың барлығы келісім жасауға мүдделі. Daily Mail журналисті Льюис Стил мәміле осы аптаның өзінде жүзеге асуы мүмкін деп есептейді.

«Меніңше, бұл осы аптада болады. Барлық ақпаратқа қарағанда, „Ливерпуль“ екінші, бұдан да нақты ұсыныс жасай алады. Осыдан кейін клубтар ортақ шешімге келуге тырысады. Алдағы 48 сағатта не болатынын көреміз, бірақ процесс жақын арада алға жылжиды деп ойлаймын», — деді Стил.

Бұған дейін «Ливерпульдің» экс-шабуылшысы Стэн Коллимор Барколяны команда үшін шешуші ойыншы болуы мүмкін деп атап, оның Коди Гакподан басымдығын ерекше атап өткен. Ал нидерландтық футболшыға «Тоттенхэм» қызығушылық танытып отыр.

Біздің серіктес: Sport12kz