«Барселона» Жорж Микаутадзе трансферінен бас тартты

«Барселона» «Вильярреал» мен Грузия құрамасының шабуылшысы Жорж Микаутадзені сатып алмау туралы шешім қабылдады.

Каталониялық клуб 25 жастағы футболшыны Хулиан Альвареске балама ретінде қарастырған. Алайда «Вильярреал» трансфер құнын көтеріп, Микаутадзе үшін 70 миллион еуро талап еткен.

Осыған байланысты «Барселона» футболшының бағасын тым жоғары деп бағалап, келісімнен бас тартты.

Микаутадзенің «Вильярреалмен» келісімшарты 2031 жылға дейін жарамды. Ол 2025 жылдан бері испаниялық клубтың сапында өнер көрсетіп келеді.

Грузиялық шабуылшы алғашқы маусымында барлық турнирде 43 матч өткізіп, 15 гол соғып, 7 нәтижелі пас берген.

Біздің серіктес: Sport12kz