Құлшынбаев «Қайрат» — «Андерлехт» матчы алдында болжамын айтты

Қазақстандық футбол маманы Алмас Құлшынбаев «Қайрат» пен «Андерлехт» арасындағы Еуропа лигасының плей-офф кезеңіндегі алғашқы матч алдында алматылық клубтың мүмкіндіктеріне қатысты пікір білдірді.

Маманның айтуынша, «Қайрат» құрамындағы негізгі ойыншылардың жарақаты командаға қиындық тудыруы мүмкін.

«Қазір «Қайрат» құрамына қатысты қиындықтарға тап болып отыр. Жоржиньо мен Александр Мартынович жарақат алған — олар команда үшін маңызды ойыншылар. Ал «Андерлехт» Еуропа лигасында жеңіске таласа алатын клуб болуы мүмкін. Бельгия футболы қазір қарқынды дамып келеді. Олардың чемпионаты жоғары деңгейде. «Қайратты» бүгін өте қиын матч күтіп тұр», — деді Құлшынбаев.

«Қайрат» — «Андерлехт» матчы бүгін Алматыда 20:00-де басталады. Командалар арасындағы жауапты кездесу 27 тамызда Брюссельде өтеді.

Біздің серіктес: Sport12kz