«Қайрат» өз алаңында «Андерлехттен» бірінші таймда үш гол жіберіп алды

Алматылық «Қайрат» Еуропа лигасының плей-офф кезеңіндегі алғашқы матчта өз алаңында бельгиялық «Андерлехтке» қарсы кездесуде бірінші таймнан кейін 0:3 есебімен жеңіліп жатыр, деп хабарлайды Sport12.kz.

Есеп ойынның 2-минутында ашылды. «Қайрат» жартылай қорғаушысы Яакко Оксанен автогол соғып, қонақтарды алға шығарды.

24-минутта Лукаш Амброс «Андерлехттің» басымдығын еселеді.

Ал бірінші таймның қосымша уақытында Даниил Сикан бельгиялық клубтың үшінші голын соқты.

«Қайрат» 38-минутта бір ойыншыға кем қалды. Қорғаушы Александр Широбоков қызыл қағаз алып, алаңнан қуылды.

«Қайраттың» бас бапкері Рафаэль Уразбахтин матчты негізгі құрамда бастаған ойыншылар:

Анарбеков, Тапалов, Широбоков, Африко, Мата, Мрынский, Оксанен, Мендонса, Юккола, Гуаль, Эдмилсон.

Қарымта кездесу 27 тамызда Брюссельде өтеді.

Еске салайық, осы жұптың жеңімпазы Еуропа лигасының негізгі кезеңінде өнер көрсетеді. Ал жеңілген команда Конференциялар лигасының негізгі кезеңінде ойнайды.

Біздің серіктес: Sport12kz