«Қайрат» «Андерлехтпен» қарымта ойынға қосалқы құрамды жіберуі мүмкін

Алматылық «Қайрат» Еуропа лигасының «Андерлехтке» қарсы қарымта матчында негізгі құрамдағы бірқатар ойыншыны алаңға шығармай, резервтегі футболшыларға мүмкіндік беруі мүмкін.

Бұған Алматыдағы алғашқы кездесудің 0:3 есебімен аяқталуы және команданың Қазақстан чемпионатындағы тығыз күнтізбесі себеп. «Қайрат» алдағы уақытта «Елімай», «Жеңіс», «Тобыл», «Астана» және «Ақтөбемен» кездеседі.

Алғашқы ойында «Андерлехт» Яакко Оксаненнің автоголынан, Лукаш Амброс пен Даниил Сиканның голдарынан кейін жеңіске жетті. 38-минутта Александр Широбоков алаңнан қуылып, «Қайрат» матчты он ойыншымен аяқтады.

Қарымта кездесу 27 тамызда Брюссельде өтеді. Жеңімпаз Еуропа лигасының жалпы кезеңіне жолдама алады, ал жеңілген команда Конференциялар лигасында өнер көрсетеді.

Біздің серіктес: Sport12kz