Криштиану Роналду жаңа әлемдік рекорд орнатты

41 жастағы «Аль-Наср» шабуылшысы Криштиану Роналду жаңа маусымдағы алғашқы матчында гол соғып, әлемдік рекорд орнатты.

Португалиялық футболшы Сауд Арабиясы чемпионатының екінші турында «Аль-Риядқа» қарсы кездесуде есеп ашып, командасының 4:0 есебімен жеңіске жетуіне үлес қосты.

Осы голының арқасында Роналду футбол тарихында қатарынан 25 маусымда гол соққан алғашқы ойыншы атанды. Ол кәсіби мансабындағы алғашқы голын 2002 жылы «Спортинг» сапында соққан. Содан бері португалиялықтың бірде-бір маусымы голсыз аяқталмаған.

Роналду мансабында «Спортинг», «Манчестер Юнайтед», «Реал», «Ювентус» және «Аль-Наср» клубтарының намысын қорғады. Саудиялық команда сапында 2023 жылдан бері өнер көрсетіп келеді.

Біздің серіктес: Sport12kz