«Интер Майами» турнир аутсайдеріне есе жіберді

MLS чемпионатында «Интер Майами» өз алаңында «Торонтоны» қабылдап, күтпеген жерден жеңіліп қалды.

Кездесудің бірінші таймында есеп ашылған жоқ. Екінші таймда қонақтар қатарынан екі гол соқты. Алдымен 59-минутта Джошуа Сарджент көзге түссе, 62-минутта Деррик Этьенн «Торонтоның» басымдығын арттырды.

«Интер Майами» тек 82-минутта бір голдың қарымтасын қайтарды. Лионель Месси Родриго Де Паульдің пасынан кейін дәл соққы жасап, есепті 1:2-ге жеткізді. Алайда алаң иелері таразы басын теңестіре алмады.

Месси матчты толық өткізді. Сонымен қатар «Интер Майами» сапында Родриго Де Пауль, Каземиро және Луис Суарес те алаңға шықты.

21 ойыннан кейін «Интер Майами» турнир кестесінде екінші орында келеді. Команда көшбасшы «Нэшвиллден» жеті ұпайға қалып тұр, алайда қарсыласының бір ойыны артық. Ал «Торонто» 30 команда арасында 23-орында орналасқан.

Біздің серіктес: Sport12kz