Дастан Сәтпаев «Бернли» сапында Чемпионшипте дебют жасады

Қазақстандық жас футболшы Дастан Сәтпаев Англия чемпионатындағы алғашқы ойынын өткізді, деп хабарлайды Sport12.kz

Чемпионшиптің 2-туры аясында «Бернли» сырт алаңда «Вест Бромвичке» қарсы кездесті. Ойын барысында алаң иелері 3:1 есебімен жеңіске жетті.

Сәтпаев кездесуді қосалқы құрамда бастады. Қазақстан құрамасының шабуылшысы 57-минутта ойынға қосылып, «Бернли» сапында Чемпионшиптегі дебютін жасады.

Кездесуде «Бернли» алғашқы таймда есепті 1:1 етіп теңестіргенімен, екінші таймда «Вест Бромвич» тағы екі гол соғып, үш ұпайды еншіледі.

Есепке қарасақ, бұл «Бернли» үшін сәтсіз нәтиже. Алайда Қазақстан футболы үшін Дастан Сәтпаевтың Англия чемпионатында алаңға шығуының өзі маңызды тарихи қадам.

18 жасар футболшы енді Чемпионшиптегі ойын тәжірибесін арттырып, алдағы кездесулерде негізгі құрамнан орын алуға талпынады.

Сәтпаевтың «Бернлидегі» алғашқы маусымы енді ғана басталды. Қазақстандық жанкүйерлер жас шабуылшының Англиядағы өнерін асыға бақылап отыр.

Посмотреть эту публикацию в Instagram

Публикация от Sport12.kz ақпараттық агенттігі Sport12.kz News Agency (@sport12kz)

Біздің серіктес: Sport12kz