«Каспий» бас бапкерімен қош айтысты

Ақтаулық «Каспий» клубы Ерлан Шойтымовтың бас бапкер қызметінен кеткенін ресми түрде жариялады, деп хабарлайды Sport12.kz

Клубтың баспасөз қызметі маманға командадағы атқарған жұмысы мен клубтың дамуына қосқан үлесі үшін алғыс білдірді.

«Каспий» Шойтымов команданы қиын кезеңде қабылдап, футболшылардың рухын көтеріп, команданың турнир кестесінің төменгі бөлігінен көтерілуіне елеулі үлес қосқанын атап өтті.

Клуб маманға алдағы жаттықтырушылық мансабында сәттілік, жаңа жеңістер мен үлкен жетістіктер тіледі.

Еске салайық, бұған дейін Ерлан Шойтымов павлодарлық «Ертістің» жаңа бас бапкері ретінде таныстырылған болатын.

Біздің серіктес: Sport12kz