«Жетісу» клубының айналасында тағы бір жанжал туындауы мүмкін

«Жетісу» футбол клубының айналасында жаңа дау туындауы мүмкін. Жетісу облысының спорт басқармасы клубтан бірнеше миллиард теңге көлеміндегі мемлекеттік тапсырыс бойынша есепті құжаттарды бір айдан астам уақыт бойы ала алмай отырғаны хабарланды.

Қолда бар ақпаратқа сәйкес, мемлекеттік тапсырыс көлемі шамамен 3 миллиард теңгені құрайды. Техникалық ерекшелікке сай, клуб мемлекеттік қаражаттың жұмсалуы мен игерілуі туралы тиісті есеп беруге міндетті.

Алайда қажетті құжаттар белгіленген мерзімде ұсынылмағаны айтылып отыр. Сонымен қатар, клуб директоры Марк Гурманның да облыстық спорт басқармасының өкілдерімен байланысқа шықпай жүргені туралы ақпарат тарады.

Қазіргі таңда бұл ақпаратқа қатысты ресми түсініктеме берілген жоқ.

Жағдайдың мән-жайы алдағы уақытта белгілі болуы мүмкін. Басты мәселе — мемлекеттік тапсырыс аясында бөлінген қаражаттың қалай игерілгені және клубтың есепті құжаттарды не себепті уақытында ұсынбағаны.

Біздің серіктес: Sport12kz