«Тобыл» — «Қайсар» матчының төрешілері тағайындалды

Қазақстан футбол федерациясының төрешілік және инспекциялау департаменті 2026 жылғы Премьер-лиганың 21-турынан кейінге шегерілген «Тобыл» — «Қайсар» матчының төрешілер құрамын анықтады, деп хабарлайды Sport12.kz.

Кездесу 25 тамызда Қостанайда өтеді.

Матчтың бас төрешісі — Саят Қарабаев (Астана). Оған алаңда Алексей Долгих (Павлодар) пен Виктор Стасенко (Талдықорған) көмек көрсетеді.

Қосалқы төреші қызметін Станислав Шелег (Қостанай) атқарады.

VAR төрешісі — Саят Сұликанов (Ақтөбе), ал AVAR жүйесінде Рустам Омаров (Алматы) жұмыс істейді.

Кездесудің инспекторы болып Павел Салий (Өскемен) тағайындалды.

Біздің серіктес: Sport12kz