«Андерлехт» - «Қайрат» кездесуінде кімдер төрелік етеді?

UEFA Еуропа лигасы плей-офф кезеңіндегі «Андерлехт» (Брюссель, Бельгия) пен «Қайрат» (Алматы, Қазақстан) арасындағы кездесуде қай елдің төрешілері қызмет атқаратыны белгілі болды, деп хабарлайды Sport12.kz.

Бұл кездесу 27 тамызда Бельгия астанасы – Брюссель қаласындағы «Констант Ванденсток» стадионында өтеді.

Ойынға бас төреші ретінде норвегиялық Эспен Эскос бекітілген. Оған отандастары Ян-Эрик Энган мен Исаак Элиас Башевкин көмектеседі. Төртінші төреші де сол елдің өкілі – Сигурд Крингстад. Бас төрешінің бейнеқайталау көмекшісі шотландиялық Эндрю Даллас болса, бейнеқайталау көмекшісінің ассистенті Кевин Клэнси болады.

Алматы қаласында өткен алғашқы кездесуде бельгиялық команда 3:0 есебімен басым түсті. Ойынның 2-минутында алматылық клубтан Якко Оксанен өз қақпасына гол соғып алса, «Андерлехт» сапынан Лукас Амброс 31, Даниил Сикан 46-минутта мергендік танытты.

Айта кетсек, алматылық команда еурокубоктағы жорығын алдымен Чемпиондар лигасында бастап, алғашқы екі іріктеу кезеңінде Черногорияның «Сутьеска» клубынан (2:1, 2:0), Черногорияның Кипрдің «Омония» (1:0, 0:1, пенальтиден 6:5) клубтарын қапы қалдырған еді. Одан кейін Рафаэль Уразбахтиннің футболшылары Болгарияның «Левски» командасына (0:1, 0:1) жол берді.

Біздің серіктес: Sport12kz