«Челси» АПЛ-да алғашқы жеңісіне қол жеткізді

Англия Премьер-лигасының бірінші турында лондондық «Челси» сырт алаңда «Фулхэмді» жеңді, деп хабарлайды Sport12.kz.

«Крэйвен Коттедж» стадионында өткен кездесу 3:2 есебімен «Челсидің» пайдасына аяқталды.

Қонақтар есепті матчтың небәрі 31-секундында ашты. Коул Палмердің пасынан кейін Жоау Педро қақпашы Бернд Леномен бетпе-бет шығып, допты оның үстінен асырып жіберді.

23-минутта Джошуа Кинг қорғаушыны алдап өтіп, жақын бұрышқа дәл соққы жасап, есепті теңестірді.

Бірінші тайм аяқталар тұста «Челсидің» жаңадан қосылған ойыншысы Морган Роджерс гол соғып, командасын қайта алға шығарды.

Екінші таймның 49-минутында Палмер Жоау Педроның пасынан кейін есепті 3:1-ге жеткізді. Араға бес минут салып Гонсало Гарсия добты қайтарып соғып, «Фулхэмнің» айырманы қысқартуына мүмкіндік берді. Алайда алаң иелері қалған уақытта есепті теңестіре алмады.

Осылайша, «Челси» маусымды жеңіспен бастады.

Келесі турда «Челси» 30 тамызда Астана уақытымен 18:00-де «Брайтонмен» кездеседі. Ал «Фулхэм» дәл осы уақытта «Сандерлендке» қарсы ойнайды.

Біздің серіктес: Sport12kz