Қазақстанның УЕФА рейтингіндегі жаңа орны белгілі болды

Қазақстан алдағы маусымда УЕФА-ның клубтық коэффициенттер рейтингінде айтарлықтай өсім көрсетуі мүмкін, деп хабарлайды Sport12.kz.

Болжамға сәйкес, 2027/2028 жылғы рейтингте Қазақстан бірден үш сатыға көтеріліп, 35-орынға орналасады. Елдің коэффициенті 11,250 балл болады деп күтілуде.

Бұл рейтингте 2022/2023 жылғы маусымдағы ұпайлар есептен шығарылады. Аталған кезең көптеген елдер үшін сәтсіз өткен болатын. Нәтижесінде Қазақстан Косово, Латвия және Финляндия құрамаларын басып озуы мүмкін.

Бес жылдық рейтингте Англия 78,907 баллмен көш бастайды. Екінші орында Испания, үшінші орында Италия орналасады.

Ал қазіргі 2026/2027 жылғы еурокубок маусымында Қазақстан 38-орында тұр. Қазақстанның соңғы бес жылдағы жалпы коэффициенті — 12,375 балл. Ел Финляндиямен бірдей ұпай жинағанымен, фин клубтары осы маусымда көбірек балл алғандықтан, Финляндия бір саты жоғары орналасқан.

Қазақстаннан кейін Босния және Герцеговина тұр.

Айта кетейік, биыл еурокубоктардың негізгі кезеңіне шығуды кепілдеген және халықаралық аренада Қазақстанның намысын жалғастырып жатқан жалғыз клуб — алматылық «Қайрат».

Біздің серіктес: Sport12kz