«Алтын доп-2026»: басты бес фавориттің есімі аталды

2026 жылдың қорытындысы бойынша футболдағы ең беделді жеке жүлде саналатын «Алтын допқа» үміткерлер арасында үздік бестік анықталды, деп хабарлайды Sport12.kz.

Vanguard басылымының нұсқасы бойынша биылғы марапаттың басты фавориті ретінде Родри Эрнандес танылған. «Барселона» мен Испания құрамасының жартылай қорғаушысы рейтингте бірінші орынға жайғасты.

Екінші сатыда Англия құрамасының шабуылшысы әрі «Бавария» футболшысы Харри Кейн тұр. Ол маусым қорытындысы бойынша Еуропаның «Алтын бутсы» жүлдесін иеленіп, «Алтын доп» үшін күрестегі мүмкіндігін арттырған.

Үшінші орынға «Барселонаның» 18 жастағы жұлдызы Ламин Ямаль орналасты. Испаниялық футболшы клуб деңгейінде де, ұлттық құрама сапында да жоғары деңгейдегі ойын көрсетіп келеді.

Төртінші фаворит ретінде «Реал» мен Франция құрамасының көшбасшысы Килиан Мбаппе аталды.

Ал үздік бестікті Аргентина құрамасының капитаны және «Интер Майами» шабуылшысы Лионель Месси түйіндеді.

Vanguard нұсқасы бойынша «Алтын доп-2026» фавориттері:

1. Родри Эрнандес — Испания, «Барселона»
2. Харри Кейн — Англия, «Бавария»
3. Ламин Ямаль — Испания, «Барселона»
4. Килиан Мбаппе — Франция, «Реал»
5. Лионель Месси — Аргентина, «Интер Майами»

Айта кетейік, бұған дейін бірқатар сарапшылар мен бұқаралық ақпарат құралдары Харри Кейнді «Алтын доп-2026» жүлдесінің негізгі фавориті ретінде атап келген.

Жүлдені табыстау рәсімі 26 қазанда Лондонда өтеді.

«Алтын доптың» қазіргі иегері — «Пари Сен-Жермен» және Франция құрамасының шабуылшысы Усман Дембеле. Ол марапатты 2025 жылғы нәтижесі бойынша иеленген.

Біздің серіктес: Sport12kz