Моуринью «Реалдың» трансферлік науқаны аяқталғанын айтты

Мадридтік «Реалдың» бас бапкері Жозе Моуринью команда құрамына қатысты жоспарын айтты.

Португалиялық маман қазіргі құрамға көңілі толатынын және жазғы трансферлік кезең аяқталғанша жаңа ойыншы алуды жоспарда жоқ екенін жеткізді.

«Мен үшін құрамды жасақтау жұмысы аяқталды. Бірақ трансфер нарығы әлі ашық. Сондықтан соңғы сәтте не боларын ешкім білмейді. Мысалы, екі матчта қосалқы құрамда қалған ойыншы маған келіп, командадан кеткісі келетінін айтуы мүмкін. Бірақ мұндай жағдай болады деп күтпеймін», – деді Моуринью.

Бапкер осы құрамды сақтап қалғысы келетінін де атап өтті.

«Егер біреу кететін болса, оған қуанбаймын. Осы құрамды сақтап қалғым келеді», – деді ол.

«Реал» жазғы трансферлік кезеңде құрамын айтарлықтай күшейтті. Мадридтік клуб Ян Диоманде, Марк Кукурелья, Дензел Думфрис, Ибраима Конате, Бернарду Силва және Карлос Эспиді қатарына қосты.

Жаңа ойыншылардың бірі Карлос Эспи алғашқы ресми матчында-ақ көзге түсті. Ол Испания чемпионатының бірінші турында «Эспаньолға» қарсы кездесуде 90-минутта жеңіс голын соғып, «Реалға» үш ұпай алып берді.

Осылайша, Моуринью «Реалдың» трансферлік науқаны аяқталды деп есептейді. Дегенмен жазғы трансфер терезесі жабылғанға дейін команда құрамында өзгеріс болуы мүмкін екенін де жоққа шығармады.

Біздің серіктес: Sport12kz