«Аль-Наср» он ойыншымен қарсыласын тізе бүктірді

Эр-Риядтық «Аль-Наср» Сауд Арабиясы чемпионатының үшінші турында сырт алаңда «Аль-Иттифакты» жеңді, деп хабарлайды Sport12.kz.

Матчтың 12-минутында қонақтар қақпашы Бентоның алаңнан қуылуына байланысты бір ойыншыға кем қалды. «Аль-Иттифак» сан басымдығын пайдаланып, 31-минутта Ондрей Дуда арқылы есеп ашты. Бірінші таймның қосымша уақытында Альваро Медран есепті 2:0-ге жеткізді.

Үзіліс кезінде «Аль-Наср» бас бапкері команданың капитаны Криштиану Роналдуды алаңнан шығарды. Алайда португалиялық шабуылшысыз және он ойыншымен қалған «Аль-Наср» керемет камбэк жасады.

74-минутта Садио Мане есеп айырмасын қысқартса, үш минуттан кейін Абдулла Аль-Амри таразы басын теңестірді. Ал 92-минутта Мане дубль жасап, командасына 3:2 есебімен жеңіс сыйлады.

Осы жеңістен кейін «Аль-Наср» 9 ұпаймен турнир кестесін бастап тұр. Команда келесі матчын 28 тамызда өз алаңында «Аль-Тауунға» қарсы өткізеді. Кездесу Астана уақытымен 23:00-де басталады.

Біздің серіктес: Sport12kz