Чемпиондар лигасының жалпы кезеңіндегі барлық команда анықталды

УЕФА Чемпиондар лигасының 2026/2027 жылғы жалпы кезеңінде өнер көрсететін барлық 36 клуб анықталды, деп хабарлайды Sport12.kz.

Турнирге «ПСЖ», «Бавария», «Реал», «Ливерпуль», «Интер», «Манчестер Сити», «Арсенал», «Барселона», «Атлетико», «Боруссия» Дортмунд, «Рома», «Спортинг», «Астон Вилла», «Порту», «Манчестер Юнайтед», «Брюгге», «Бетис», ПСВ, «Фейенорд», «Лилль», «Буде-Глимт», «Наполи», «РБ Лейпциг», «Вильярреал», «Шахтер», «Галатасарай», «Славия» Прага, «Штутгарт», «Комо», «Ланс», «Сабах», ЛАСК, АЕК, «Викинг», «Фенербахче» және «Слован» қатысады.

Жалпы кезеңнің жеребесі 27 тамызда Монакода өтеді. Жеребе Қазақстан уақытымен 21:00-де басталады.

36 команда төрт себетке бөлініп, әр клуб сегіз қарсыласымен ойнайды. Әр себеттен екі командадан қарсылас анықталады. Командалар төрт кездесуді өз алаңында, тағы төрт матчты сырт алаңда өткізеді.

Жалпы кезеңнің алғашқы тур ойындары 8-10 қыркүйек аралығында өтеді.

Айта кетейік, Чемпиондар лигасының қазіргі чемпионы — француздық «ПСЖ».

Біздің серіктес: Sport12kz