«Жеңіс» өз алаңында «Алтайдан» басым түсті

Астаналық «Жеңіс» Қазақстан Премьер-лигасының 24-туры аясында өз алаңында «Алтайды» жеңді.

«Астана Аренада» өткен матч 1:0 есебімен аяқталды.

Матчтың алғашқы минуттарында алаң иелері белсенділік танытып, қарсылас қақпасына бірнеше рет қауіп төндірді. Дегенмен бірінші таймда есеп ашылған жоқ. «Алтайдың» қақпашысы Данило Кучер бірнеше қауіпті соққыны қайтарды.

Екінші таймда «Жеңіс» есеп ашты. 67-минутта Андрия Филипович айып алаңының сыртынан дәл соққы жасап, астаналық команданы алға шығарды.

Арада сегіз минут өткенде Филипович есепті еселей алатын мүмкіндікке ие болған еді. Алайда сербиялық футболшы 75-минутта белгіленген пенальтиді голға айналдыра алмады.

Қалған уақытта «Алтай» таразы басын теңестіре алған жоқ. Осылайша, «Жеңіс» 1:0 есебімен жеңіске жетіп, үш ұпайға қол жеткізді.

Біздің серіктес: Sport12kz