«Арсенал» АПЛ-дегі екінші жеңісіне қол жеткізді

Англия Премьер-лигасының екінші турында лондондық «Арсенал» сырт алаңда «Астон Вилланы» жеңді, деп хабарлайды Sport12.kz.

«Вилла Парк» стадионында өткен кездесудің алғашқы таймында есеп ашылған жоқ.

Ал екінші таймның 52-минутында Букайо Сака «Арсеналға» жеңіс сыйлаған жалғыз голды соқты. Осылайша лондондық клуб 1:0 есебімен басым түсті.

Бұл жеңістен кейін «Арсенал» екі ойыннан кейін алты ұпай жинап, турнир кестесінде екінші орынға көтерілді. Лондондық команда көш бастап тұрған «Манчестер Ситиден» тек соғылған голдар саны бойынша қалып келеді.

Ал «Астон Вилла» алғашқы екі турдан кейін ұпайсыз қалды.

Біздің серіктес: Sport12kz