Қазақстан Socca World Cup-2026 турнирінің ширек финалына шықты

Қазақстан құрамасы Германияның Эссен қаласында өтіп жатқан Socca World Cup-2026 әлем чемпионатының ширек финалына жолдама алды, деп хабарлайды Sport12.kz.

1/8 финалда қазақстандықтар Венгрия құрамасымен 1:1 есебімен тең түсті. Одан кейін пенальти сериясында 2:0 есебімен жеңіске жетті. Негізгі уақытта Қазақстан құрамасының жалғыз голын Диас Үсенов соқты.

Қазақстан құрамасы топтық кезеңді жоғары нәтижемен аяқтады. Ұлттық құрама Иракты 13:1, Түркияны 8:1 және Бельгияны 5:1 есебімен ойсырата жеңді. Осы нәтижелердің арқасында Қазақстан әлем чемпионатындағы ең көп гол соққан командалардың біріне айналды.

Қазақстан құрамасының ширек финалдағы қарсыласы бүгін қалған 1/8 финал ойындары аяқталғаннан кейін анықталады.

Айта кетейік, Socca World Cup-2026 турнирі 28 тамызда Германияның Эссен қаласында басталды. Биылғы әлем чемпионатына 48 ұлттық құрама қатысып жатыр. Турнирдің шешуші финалы 6 қыркүйекте өтеді.

Біздің серіктес: Sport12kz