«Манчестер Сити» АПЛ аутсайдерімен кездеседі

Англия Премьер-лигасының үшінші турында «Манчестер Сити» өз алаңында «Ковентриді» қабылдайды. Кездесу Манчестердегі «Этихад» стадионында өтеді, деп хабарлайдв Sports.kz .

«Манчестер Сити» — «Ковентри» матчының тікелей трансляциясы 5 қыркүйек күні сағат 19:00-де Қазақстан уақытымен басталады.

Екі турдан кейін «Манчестер Сити» алты ұпай жинап, турнир кестесінде жоғары орындардың бірінде тұр. Ал «Ковентри» әзірге ұпай еншілеген жоқ.

Манчестерлік клуб чемпионатты екі жеңіспен бастады. Алдымен өз алаңында «Борнмутты» 2:1 есебімен жеңсе, екінші турда сырт алаңда «Кристал Пэласын» 4:1 есебімен ойсырата ұтты.

«Ковентри» үшін АПЛ-ға қайта оралғаннан кейінгі бастама сәтті болмады. Команда алғашқы турда сырт алаңда «Арсеналдан» 0:3 есебімен жеңілсе, кейін өз алаңында «Халл Ситиге» 0:1 есебімен жол берді.

Аталған екі матчтың арасында «Ковентри» Англия Лига кубогында «Плимутпен» кездесіп, қарсыласын сырт алаңда 4:2 есебімен жеңді.

Алдағы ойын «Манчестер Сити» мен «Ковентри» арасындағы ұзақ үзілістен кейінгі алғашқы кездесу болмақ. Екі команда соңғы рет 2002 жылы өзара ойнаған.

Кездесуде «Манчестер Ситидің» басты шабуылшысы Эрлинг Холандтың ойынына да ерекше назар аударылады.

Біздің серіктес: Sport12kz