ҚПЛ: «Қайрат» сырт алаңда «Каспийді» қапы қалдырды

Бүгін футболдан Қазақстан Премьер-лигасы VІ турындағы «Каспий» (Ақтау) - «Қайрат» (Алматы) кездесуінің нәтижесі белгілі болды, деп хабарлайды Sport12.kz.

Кездесу барысында алматылық команда белсенді ойын көрсетті. Бірінші кезеңде алаң иелері қақпасына екі гол соғып үлгерді. Оны Олжас Байбек 4, Эдмилсон 41-минутта өзінің еншісіне жазды.

Екінші кезеңде де алматылық клуб тізгінді өз қолында ұстады. Нәтижесінде олардың қатарынан Александр Мрынский 61-минутта мергендік танытты.

Осылайша «Қайрат» қарсыласынан 3:0 есебімен басым түсіп, турнир кестесінде чемпиондық атаққа таласып жатқан шымкенттік «Ордабасыға» жақындай түсті. Қазірге дейін 23 кездесу өткізген алматылық клубтың еншісінде 54 ұпай бар. Сондай-ақ олардың шымкенттік командадан бір матчы кем. Бұл бас жүлдеге таласты одан әрі арттыра түсті.

«Ордабасы» бүгін ХХV турда сырт алаңда Көкшетаудың «Оқжетпесіне» 1:2 есебімен есе жіберді.

Дәл қазір 25-турдағы «Ақтөбе» - «Жеңіс» (Астана), «Жетісу» (Талдықорған) - «Ертіс» (Павлодар), «Қызылжар» (Петропавл) - «Атырау» кездесуі өтіп жатыр. Ал 6 қыркүйекте «Алтай» (Өскемен) - «Қайсар» (Қызылорда), «Астана» - «Елімай» (Семей), «Тобыл» (Қостанай) - «Ұлытау» (Жезқазған) ойнайды.

Біздің серіктес: Sport12kz