«Бернли» Дастан Сәтпаевтың жарақатынан қашан оралатынын айтты

«Бернли» бас бапкері Ники Хайен Қазақстан құрамасының шабуылшысы Дастан Сәтпаевтың жарақатына байланысты алаңға оралу мерзімін айтты, деп хабарлайды Sport12.kz.

Хайеннің сөзінше, қазақстандық футболшы бірнеше апта бойы командаға көмектесе алмайды.

«Өкінішке қарай, ол бірнеше аптаға қатардан шығып қалды. Бұл назар аударуды қажет ететін белгілердің бірі. Бұған дейін айтқанымдай, ол маусым алдындағы дайындықтан өтті, бірақ толыққанды дайындала алмады. Біз ойыншыларға қажетті жүктемені беруге тырысамыз, сонымен бірге оларды қорғауымыз керек. Бұл жерде дұрыс тепе-теңдікті табу маңызды», – деді маман.

Еске салайық, Чемпионшиптің алдыңғы турында «Мидлсброға» (1:1) қарсы кездесуде Сатпаев «Бернлидің» негізгі құрамында алаңға шығып, матчтың үздік ойыншысы атанған еді. Алайда 81-минутта алаңнан кетер кезде ол жамбастың артқы бөлігін ұстап қалған. Кейін инсайдерлер футболшының сіңірінен жарақат алған болуы мүмкін екенін хабарлаған.

Біздің серіктес: Sport12kz