«Каспийдің» экс-ойыншысы ФИФА-ға шағымданды

Ақтаулық «Каспийдің» бұрынғы бразилиялық шабуылшысы Густаво Франса клубтан жалақысын ала алмағанын айтып, ФИФА-ға шағымданғанын мәлімдеді, деп хабарлайды Sport12.kz.

Бразилиялық футболшы Қазақстан клубындағы қысқа мерзімді кезеңінде қаржылық қиындықтарға тап болғанын айтты. Оның сөзінше, «Каспий» келісімшарт талаптарын орындамаған.

«Маған жалақы төленбеді. ФИФА-ға жүгіндім, қазір «Каспийдің» менімен есеп айырысуын күтіп жүрмін. Клубқа келген сәттен бастап төлем мәселелері болды. Олар келісімшарт талаптарын орындамады», – деді Франса.

Густаво Франса «Каспиймен» келісімшартқа 2026 жылғы 21 наурызда қол қойған. Алайда 1 шілдеде Ақтау клубынан кеткен.

Ол команда сапында небәрі алты матч өткізіп үлгерді.

Біздің серіктес: Sport12kz