«Реал» «Арсенал» көшбасшысына көз тікті

Мадридтік «Реал» Лондонның «Арсенал» клубындағы жартылай қорғаушы Деклан Райсты басты трансферлік мақсаттарының біріне айналдырды, деп хабарлайды Sport12.kz.

Ақпаратқа сүйенсек, испандық клубтың ықпалды өкілдері президент Флорентино Пересті 27 жастағы ағылшын футболшысын басты нысана етуге шақырған. Команда бас бапкері Жозе Моуринью де Райстың шеберлігіне жоғары баға беріп, оны өз құрамында көргісі келеді.

Алайда «Арсенал» негізгі ойыншыларының бірімен қоштасуды жоспарлап отырған жоқ. Лондондық клуб Райсқа жалақысы жоғары жаңа келісімшарт ұсынуды көздейді. Қазіргі келісімі 2028 жылдың жазына дейін жарамды.

Райс 2023 жылы «Вест Хэмнен» «Арсеналға» 105 миллион фунт стерлингке ауысқан. Содан бері ол Микель Артета командасының көшбасшыларының біріне айналды.

Біздің серіктес: Sport12kz