Месси «Алтын допқа» тағы да таласады

«Интер Майами» мен Аргентина құрамасының шабуылшысы Лионель Месси 2026 жылғы «Алтын доп» жүлдесіне үміткерлер қатарына еніп, тарихи жетістікке қол жеткізді, деп хабарлайды Sport12.kz.

Месси бұл марапатқа алғаш рет 2006 жылы 19 жасында үміткер болған. Осылайша оның алғашқы және соңғы номинацияларының арасы 20 жылға жетіп, ол бұл көрсеткіш бойынша алғашқы футболшы атанды.

Аргентиналық жұлдыз үшін бұл «Алтын допқа» 17-ші номинация. Бұл көрсеткіш бойынша ол 18 рет үміткер болған Криштиану Роналдудан кейін екінші орында тұр.

Өткен маусымда Месси «Интер Майамиге» клуб тарихында алғаш рет MLS Кубогын жеңіп алуға көмектесіп, лиганың ең үздік ойыншысы атанды. Сонымен қатар Аргентина құрамасымен 2026 жылғы әлем чемпионатының финалына дейін жетті.

Месси «Алтын допты» ең көп жеңіп алған футболшы саналады. Ол бұл жүлдені сегіз рет – 2009, 2010, 2011, 2012, 2015, 2019, 2021 және 2023 жылдары иеленді.

Біздің серіктес: Sport12kz