«Штутгарт» шабуылшысы Чемпиондар лигасында хет-трик жасап, тарихқа енді

«Штутгарт» шабуылшысы Эрмедин Демирович Чемпиондар лигасындағы алғашқы матчында-ақ турнир тарихына енді.

Германиялық клуб өз алаңында норвегиялық «Викингті» 3:1 есебімен жеңді. «Штутгарттың» барлық голын Демирович соқты.

Босниялық шабуылшы матчтың алғашқы 32 минутында хет-трик жасады. Ол 20, 26 және 32-минуттарда мергендік танытты. Осылайша Демирович Чемпиондар лигасы тарихындағы матч басталғаннан кейін ең жылдам хет-трик жасаған ойыншылардың үздік бестігіне кірді.

Чемпиондар лигасы тарихындағы ең жылдам хет-триктер:

1. Роберт Левандовски («Бавария») – 23 минут

2. Марко Симоне («Милан») – 24 минут

3. Килиан Мбаппе («Реал Мадрид») – 29 минут

4. Вангелис Павлидис («Бенфика») – 30 минут

5. Эрмедин Демирович («Штутгарт») – 32 минут

Айта кетейік, Чемпиондар лигасындағы ең жылдам хет-трик рекорды басқа өлшеммен есептеледі. Бірінші және үшінші гол арасындағы уақыт бойынша рекорд Мұхаммед Салахқа тиесілі – ол 2022 жылы «Рейнджерске» қарсы үш голын 6 минут 12 секундта соққан.

Біздің серіктес: Sport12kz